ដើម្បីចូលរួមលើកស្ទួយសហគមន៍ក្រុមអ្នកជំងឺទឹកនោមផ្អែមប្រភេទ១ ឲ្យកាន់តែល្អប្រសើរឡើងតាមរយៈ ការចងក្រងនិងប្រមូលផ្ដុំព័ត៌មាននានា អំពីជំងឺនេះ ឲ្យកាន់តែងាយស្រួលស្វែងរក និងស្វែងយល់បានជាមូលដ្ឋានក្នុងការគ្រប់គ្រងស្ថានភាពជំងឺ ធ្វើយ៉ាងណារួមចំណែកជួយបង្កើនគុណភាពអាយុជីវិតរបស់បងប្អូនប្រជាពលរដ្ឋរងគ្រោះ តាមរយៈការយល់ដឹងផ្នែកវេជ្ជសាស្ត្រដ៏ត្រឹមត្រូវបំផុត ជាទុនអាចប្រឆាំងទល់ជំងឺទឹកនោមផ្អែមប្រភេទ១ ដោយប្រសិទ្ធភាពខ្ពស់។
“តាមការប៉ាន់ប្រមាណ(១)មានក្មេងៗរងគ្រោះ និងមានជំងឺទឹកនោមផ្អែមប្រភេទ១ (T1D) លើស មួយម៉ឺននាក់ តាមបណ្ដាប្រទេសនានាក្នុងតំបន់អាស៊ីអាគ្នេយ៍។ ដើម្បីជួយអ្នកជំងឺក្មេងៗទាំងនោះឲ្យរស់រានមានជីវិត និងលូតលាស់ធំធាត់ដូចគេដូចឯង ជាបឋម និងគន្លឹះសំខាន់បំផុតគឺរួមចំណែកធ្វើយ៉ាងណាឲ្យអ្នកទាំងនោះយល់ដឹង និងស្គាល់ច្បាស់ពីបញ្ហា និងលក្ខខណ្ឌសុខភាពរបស់គេផ្ទាល់ តាមរយៈមធ្យោបាយល្អ និងមានប្រសិទ្ធភាពបំផុត។
ភាគច្រើននៃអ្នកជំងឺទាំងនោះរស់នៅតំបន់ដាច់ស្រយាល ឆ្ងាយពីមន្ទីរពេទ្យរាប់រយគីឡូម៉ែត្រ ហើយពិបាកបំផុតក្នុងការស្វែងរកពេទ្យជំនាញព្យាបាល។ គ្រួសារអ្នកជំងឺខ្លះមានស្ថានភាពក្រីក្រ មិនមានលទ្ធភាពបង់ថ្លៃព្យាបាល ឯខ្លះទៀតផ្លូវចិត្តមិនហ៊ានប្រឈមមុខបញ្ហាទទួលយកស្ថានភាពសុខភាពបាន។ ដូច្នេះហើយ ជម្រើសក្នុងការអប់រំ ផ្ដល់ចំណេះដឹងដល់អ្នកជំងឺ ឬក្រុមគ្រួសារអ្នកជំងឺផ្ទាល់តាមរយៈ បោះពុម្ពខិតប័ណ្ណផ្សព្វផ្សាយនៅតាមបណ្ដាគ្លីនិក ឬមន្ទីរពេទ្យ ទោះជាព័ត៌មានទាំងនោះចងក្រងល្អយ៉ាងណាក៏ដោយ ក៏បានត្រឹមដល់ក្រុមមនុស្សមួយចំនួនតូចប៉ុណ្ណោះ មិនទាន់ឆ្លើយតបទៅនឹងតម្រូវការជាក់ស្ដែងក្នុងកម្រិតអតិបរិមានៅឡើយ។
ចំណុចគួរដាក់ការចាប់អារម្មណ៍និងពិចារណាខ្ពស់បំផុតគឺ ការប្រើប្រាស់អ៊ិនធឺណិតនៅអាស៊ីអាគ្នេយ៍កើនឡើងយ៉ាងគំហុកក្នុងទសវត្សរ៍ចុងក្រោយ ហើយអ្នកប្រើប្រាស់ទាំងនោះភាគច្រើនជាយុវជន ក្រោមហេតុផលតម្លៃទូរសព្ទ និងកញ្ចប់សេវាអ៊ិនធឺណិតពីក្រុមហ៊ុនផ្គត់ផ្គង់សេវានៅទាប។ ក្រោមហេតុផលទាំងនេះហើយ ដែលជាច្រកដ៏សំខាន់មួយ អាចឲ្យពួកគេទាំងនោះ អាចស្វែងរក អាចប្រាស្រ័យទាក់ទង និងផ្សារភ្ជាប់មកកាន់សហគមន៍អ្នកជំងឺទឹកនោមផ្អែមប្រភេទ១ (T1D) បានយ៉ាងងាយស្រួលបំផុត។
អង្គការ A4D បានដំណើរការគម្រោងមួយដែលមានឈ្មោះថា Hello Type 1 ជាភាសាជាតិតាមបណ្ដាប្រទេសមួយចំនួនកាលពី ២០១៨ ក្នុងគោលបំណង ចងក្រងបណ្ដុំចំណេះដឹងវេជ្ជសាស្ត្រ និងព័ត៌មានលម្អិតត្រឹមត្រូវបំផុតសម្រាប់ អ្នកជំងឺ ឬក្រុមគ្រួសារអ្នកជំងឺទឹកនោមផ្អែមប្រភេទ១ អាចស្វែយល់ និងអនុវត្តប្រកដោយសុខសុវត្ថិភាពខ្ពស់បំផុត។ គម្រោង Hello Type 1 ដដែលនេះ នឹងបន្តពង្រីករហូតដល់ ៨ប្រទេស ត្រឹមឆ្នាំ ២០២៣ ដើម្បីបន្តបេសកកម្មសង្គ្រោះអាយុជីវិត និងធ្វើឲ្យអ្នកជំងឺ រាប់ម៉ឺននាក់ រស់នៅបានដោយសុខសុវត្ថិភាព និងលូតលាស់ដូចអ្នកមិនមានជំងឺដែរ។
(១) ប្រភព៖ IDF_atlas_9th edition_2019 data and A4D internal data”
តាមរយៈការចងក្រង និងប្រមូលផ្ដុំព័ត៌មានសំខាន់ៗ រៀបរៀងច្បាស់លាស់ ក្នុងទម្រង់ជាច្រើន(អត្ថបទសំណេរ វីដេអូ ឬការរចនា) ដែលអាចឲ្យអ្នកជំងឺ ឬក្រុមគ្រួសារ ព្រមទាំងក្រុមគ្រូពេទ្យ កាន់តែមានភាពងាយស្រួលក្នុងការស្វែងយល់ ចូលរួមបញ្ចេញមតិ សួរនាំ កាន់តែស៊ីជម្រៅពីលក្ខខណ្ឌជំងឺផ្ទាល់ តាមរយៈកម្មវិធី Hello Tpe 1 ដែលបានរៀបចំ។
Hello Type 1 ជាសហគមន៍ ជាទីប្រមូលផ្ដុំ អ្នកជំងឺទឹកនោមផ្អែមប្រភេទ១ ឲ្យជុំគ្នាតាមរយៈបណ្ដាញសង្គម ដើម្បីជំរុញការគិតវិជ្ជមាន គិតល្អៗ និងបង្កើតបរិយាកាស បង្កើតមជ្ឈដ្ឋានជជែកសួរនាំគ្នា កាន់តែផុសផុល ឬលើកពីបញ្ហា ពីផលវិបាករៀងៗខ្លួន ធ្វើយ៉ាងណាឲ្យកាន់តែមានភាពក្លាហាន ស្និទ្ធស្នាល រកដំណោះស្រាយទាំងអស់គ្នា ដើម្បីគ្រប់គ្រប់ជំងឺទឹកនោមផ្អែមប្រភេទ១ ឲ្យខាងតែបាន។
Hello Type 1 ផ្ដល់ឲ្យអ្នកជំងឺទឹកនោមផ្អែមប្រភេទ១ គ្រប់គ្នាពីវិធី ពីមូលដ្ឋានចំណេះដឹង និងដំណោះស្រាយ ដើម្បីជីវិតកាន់តែប្រសើរ និងរស់នៅសប្បាយរីករាយដូចគេដូចឯង។
“មាតិកាដែល Hello Type 1 ចងក្រង និងបង្កើតឡើងមាន ៨ផ្នែកធំៗ។ ចំណុចនីមួយៗ គឺសុទ្ធតែដកស្រង់ចេញពីប្រភពសុខាភិបាលទទួលបន្ទុកត្រឹមត្រូវច្បាស់លាស់ ដូចជាគ្រឹះស្ថានជំងឺទឹកនោមផ្អែមអន្តរជាតិ IDF និងសង្គមអន្តរជាតិសម្រាប់ជំងឺទឹកនោមផ្អែមកុមារ និងវ័យជំទង់ ISPAD។
រាល់គ្រប់ប្រធានបទក្នុងចំណោម ៨ផ្នែកធំៗខាងលើនេះ សុទ្ធតែឆ្លងកាត់ការត្រួតពិនិត្យ យ៉ាងល្អិតល្អន់ ពីអ្នកឯកទេសជាច្រើនដូចជា គ្រូពេទ្យឯកទេសជំងឺក្រពេញ គ្រូពេទ្យឯកទេសអាហារបំប៉ន ជំងឺទឹកនោមផ្អែម និងពេទ្យឯកទេសចិត្តសាស្ត្រ ទោះជាយើងបានដកស្រង់ពីស្ថាប័នឯកទេស មានមុខមានមាត់ហើយក៏ដោយ។
ទម្រាំបានអត្ថបទ ឬមាតិកាព័ត៌មានមកចងក្រង ច្រើនដំណាក់កាល ប៉ុន្តែដើម្បីប្រាកដច្បាស់ ត្រូវតែបែបនេះ មុនចេញផ្សាយលើគេហទំព័រ និង ទំព័រFacebook របស់ Hello Type 1 ផ្លូវការណ៍។ ការចេញផ្សាយលើអនឡាញ ជារឿងសំខាន់ណាស់ ដោយសារវិសាលភាពធំធេង ហើយបច្ចុប្បន្នការប្រើអ៊ីនធឺណិត មានភាពងាយស្រួលបំផុត។”
អភិវឌ្ឍជាមួយជំនួយពីបណ្ដាដៃគូសំខាន់ៗដូចជា៖
ជាដៃគូអភិវឌ្ឃន៍ជាមួយគ្រឹះស្ថានសាធារណៈ និង ឯកជនត្រូវបានបង្កើតឡើងក្នុងឆ្នាំ២០០៩ ហើយបានផ្តល់ការយកចិត្តទុកដាក់លើការថែទាំដល់កុមារ និងមនុស្សវ័យជំទង់ដែលកំពុងកើតជំងឺទឹកនោមផ្អែមប្រភេទ១ នៅតាមបណ្តាប្រទេសដែលមានប្រាក់ចំណូលទាប និង មធ្យម។ តាំងពីឆ្នាំ២០១៩ CDiC សហការជាមួយ GIZ និង នាយកដ្ឋានការពារសុខភាពនៃក្រសួងសុខាភិបាលកម្ពុជា បានជួយដល់កុមារ និង មនុស្សវ័យជំទង់ដែលកើតជំងឺទឹកនោមផ្អែមលើសពី៥០០នាក់ នៅក្នុងប្រទេសកម្ពុជា ហើយឥឡូវនេះ ក៏បានចាប់ដៃគូជាមួយ A4D ដើម្បីផ្តល់ការអប់រំ និងលើកកម្ពស់គុណភាពជីវិត ទៅដល់បុគ្គលដែលរងផលប៉ះពាល់ពីជំងឺទឹកនោមផ្អែមប្រភេទ១ផងដែរ។
កិច្ចសហប្រតិបត្តិការ អាល្លឺម៉ង់ បាននិងកំពុងដំណើរការនៅប្រទេសកម្ពុជាក្រោមក្រសួងសហព័ន្ធ អាល្លឺម៉ង់ សម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច(BMZ) ដោយផ្តោតលើការការពារសុខុមាលភាពសង្គម។ ក្រសួងនេះបានសម្រេចចាប់ដៃគូជាមួយអង្គការ A4Dតាមរយៈគម្រោង CDiC( ការផ្លាស់ប្តូរជំងឺទឹកនោមផ្អែមលើកុមារ) ដោយសហការជាមួយ Novo Nordisk
នាយកដ្ឋានការពារសុខភាពនៃក្រសួងសុខាភិបាលកម្ពុជា សម្រេចគាំទ្រកម្មវិធី Hello Type 1 យ៉ាងពេញទំហឹងក្នុងគោលបំណងជួយដល់ការអភិវឌ្ឍន៍នៅកម្ពុជាប្រឆាំងទល់ជំងឺទឹកនោមផ្អែមប្រភេទ១ (T1D) តាមរយៈយុទ្ធនាការផ្សព្វផ្សាយនានា និងការអប់រំដល់អ្នកជំងឺវ័យក្មេងទាំងនោះ។
.
សមាគមជំងឺទឹកនោមផ្អែមកម្ពុជា(CDA) បង្កើតឡើងក្នុងគោលបំណងកាត់បន្ថយផលវិបាកដែលកំពុងគម្រាមកំហែងអ្នកជំងឺទឹកនោមផ្អែមប្រភេទ១ ក្នុងកម្រិតអតិបរិមា តាមរយៈការអប់រំ និងជំរុញបង្កើនចំណេះដឹងមូលដ្ឋានធ្វើយ៉ាងណាចៀសវាងឲ្យផុតគ្រោះថ្នាក់។
Part of Action4Diabetes, a UK-registered charity that saves and
empower young people with Type 1 Diabetes in deprived
communities across South-East Asia.
English 
Thai 
Vietnamese 
Melayu 
