មូលហេតុសំខាន់ៗទាំងនេះហើយ អ្នកជំងឺទឹកនោមផ្អែមប្រភេទ១ ត្រូវពិនិត្យសុខភាពឲ្យទៀងទាត់

កែសម្រួលដោយ: 17.03.2025

Anne-Charlotte Ficheroulle

Pharmacist, Digital Innovation Manager, A4D

១. មូលហេតុយើងត្រូវពិនិត្យរកផលវិបាកបង្កដោយជំងឺទឹកនោមផ្អែមប្រភេទ១

ការពិនិត្យរកមើលកត្តាហានិភ័យ និងផលវិបាកនានា ជាការចាប់ផ្ដើមធ្វើរោគវិនិច្ឆ័យជំងឺទឹកនោមផ្អែម។ ទោះបីជាផលវិបាកផ្សេងៗកម្រកើតលើកុមារ និងក្មេងជំទង់ក៏ពិតមែន តែការពិនិត្យរកផលវិបាកផ្សេងៗបានលឿន នឹងអាចឲ្យយើងមានវិធានការទាន់ពេល និងទប់ស្កាត់កុំឲ្យផលវិបាកបង្កដោយជំងឺទឹកនោមផ្អែម វិវត្តទៅមុខលឿន។
ដូចនេះហើយ យើងត្រូវស្វែងយល់ពីការពិនិត្យរកផលវិបាកជំងឺទឹកនោមផ្អែមមកលើខ្លួនយើង និងអ្វីដែលយើងអាចដឹងបានពីការពិនិត្យម្ដងៗ។

២. ការត្រួតពិនិត្យរាល់ ៣ខែម្ដង

ការពិនិត្យបែបនេះ គ្រូពេទ្យនឹងពិនិត្យជាទៀងទាត់លើ៖

កម្ពស់ និងទម្ងន់៖ ដើម្បីដឹងថាយើងមានទម្ងន់ស្ថិតក្នុងស្ថានភាពមួយល្អចំពោះសុខភាព និងមានការលូតលាស់កម្ពស់បានត្រឹមត្រូវ។
កំហាប់ជាតិស្ករក្នុងឈាម(HbA1c)៖ គ្រូពេទ្យនឹងពិនិត្យមើលកំហាប់ជាតិស្ករក្នុងឈាមរបស់យើងក្នុងរយៈពេល ៣ខែចុងក្រោយ។ ការពិនិត្យនេះ សំខាន់ណាស់ដើម្បីដឹងថាកំហាប់ជាតិស្ករនៅក្រោម៧,៥ភាគរយឬ ៥៨មិល្លីម៉ូល/លីត្រ (58 mmol/L)។

នៅតាមមន្ទីរពេទ្យមួយចំនួនមិនអាចផ្ដល់ការពិនិត្យកំហាប់ជាតិស្ករក្នុងឈាមឲ្យអ្នកជំងឺទឹកនោមផ្អែមប្រភេទ១ បានទៀងទាត់នោះទេ។ ដូចនេះហើយយើងត្រូវតែព្យាយាមធ្វើយ៉ាងណា បានទទួលការធ្វើតេស្តប្រភេទនេះឲ្យបានម្ដងក្នុងមួយឆ្នាំ។

៣. ការត្រួតពិនិត្យប្រចាំឆ្នាំ

គ្រូពេទ្យនឹងណាត់ជួបយើងដើម្បីពិនិត្យតាមដានលើផលវិបាកមួយចំនួន ព្រមទាំងអាចផ្ដល់យោបល់ឲ្យយើងទៅពិនិត្យតាមដានផលវិបាកផ្សេងៗឲ្យបានញឹកញាប់ផងដែរ ដើម្បីអាចដឹងបានថាយើងមានបញ្ហាសុខភាពឬយ៉ាងណា។ ខាងក្រោមនេះជាអ្វីគ្រូពេទ្យត្រូវពិនិត្យ៖

សម្ពាធឈាម៖ គ្រូពេទ្យពិនិត្យសម្ពាធឈាមរកមើលថាមានឡើងខ្ពស់ឬយ៉ាងណា និងមានប៉ះពាល់សរសៃឈាម និងបេះដូង ឬអត់។
ភ្នែក៖ គ្រូពេទ្យពិនិត្យភ្នែករបស់យើង ដើម្បីដឹងថាតើមានការវិវត្តជាជំងឺភ្នែកឡើងបាយ ឬជំងឺសរសៃបាតភ្នែក(retinopathy) ឬក៏មានជំងឺទឹកដក់បាតភ្នែក(glaucoma)ឬអត់។
ជើង៖ គ្រូពេទ្យនឹងសួរសំណួរមួយចំនួនទាក់ទងនឹងជើងរបស់យើង ព្រមជាមួយនិងការពិនិត្យមើលដោយភ្នែកទទេផងដែរ។
តម្រងនោម៖ គ្រូពេទ្យនឹងយកគំរូទឹកនោម និងឈាមរបស់យើងទៅពិនិត្យមើលពីកម្រិតalbumin និង creatinine ដើម្បីវិភាគមើលថាតម្រងនោមដំណើរការល្អបែបណាដែរ។
ខ្លាញ់ក្នុងឈាម(Blood lipid)៖ គ្រូពេទ្យនឹងពិនិត្យមើលលើកម្រិតជាតិខ្លាញ់នៅក្នុងឈាម ដើម្បីវិភាគឲ្យដឹងថាកម្រិតខ្លាញ់នៅធម្មតាឬយ៉ាងណា។

ឆ្លើយសំណួរ ពីគោលការណ៍រុករកជាមុន នូវផលវិបាកផ្សេងៗ ឥឡូវនេះ!

អត្ថបទច្រើនទៀត

អ្នកជំងឺទឹកនោមផ្អែមប្រភេទ១ គួរដឹងពីផលវិបាកអាចកើតលើភ្នែក

អ្នកជំងឺទឹកនោមផ្អែមប្រភេទ១ ត្រូវចេះពិនិត្យជើងឲ្យបានល្អ ព្រោះហេតុផលទាំងនេះ

ប្រយ័ត្នខូចតម្រងនោម! ទាំងនេះជាវិធីថែទាំសម្រាប់អ្នកជំងឺទឹកនោមផ្អែមប្រភេទ១

ត្ត្រឡប់ទៅទំព័រដើម

វីដេអូ

១. មូល​ហេតុ​យើង​​ត្រូវ​ពិនិត្យរក​ផលវិបាក​បង្ក​ដោយ​ជំងឺ​ទឹកនោមផ្អែមប្រភេទ១

២. ការ​ត្រួត​ពិនិត្យ​រាល់​ ៣ខែ​ម្ដង

៣. ការ​ត្រួតពិនិត្យ​ប្រ​ចាំ​ឆ្នាំ

ឆ្លើយសំណួរ ពីគោលការណ៍រុករកជាមុន នូវផលវិបាកផ្សេងៗ ឥឡូវនេះ!

ការបដិសេធ៖

១. មូលហេតុយើងត្រូវពិនិត្យរកផលវិបាកបង្កដោយជំងឺទឹកនោមផ្អែមប្រភេទ១

២. ការត្រួតពិនិត្យរាល់ ៣ខែម្ដង

៣. ការត្រួតពិនិត្យប្រចាំឆ្នាំ