១. អ្វីដែលអ្នកត្រូវដឹងអំពីជំងឺទឹកនោមផ្អែមប្រភេទ 1 និងការរៀនសូត្រនៅក្នុងសាលារៀន

ការចូលរៀននៅសាលា ស្របពេលកំពុងគ្រប់គ្រងជំងឺទឹកនោមផ្អែមប្រភេទ 1 គឺចាំបាច់ណាស់សម្រាប់អនាគតរបស់យើងម្នាក់ៗ។ នេះហើយ​ជា​មូលហេតុ​ដែល​ការ​ស្វែងយល់​ពី​ទំនាក់ទំនង​រវាង​ជំងឺ​ទឹកនោម​ផ្អែម​ប្រភេទ​ទី​ 1 និង​ការសិក្សានៅសាលា ​មានសារៈ​សំខាន់បែបនេះ​។

ជំងឺទឹកនោមផ្អែមប្រភេទ 1 មិនមែនជារឿងធម្មតាដូចបញ្ហាសុខភាពផ្សេងទៀតទេ អ៊ីចឹង តើយើងអាចទទួលបានបរិយាកាសនៅក្នុងការសិក្សាប្រកប ដោយសុវត្ថិភាព និងរីករាយដែរទេ?

ដើម្បីគ្រប់គ្រងជំងឺទឹកនោមផ្អែមឲ្យកាន់តែប្រសើរ ការស្វែងយល់ពីការសិក្សានៅក្នុងសាលា មានសារៈសំខាន់ណាស់ ព្រោះវាជាស្ថានភាពធ្ងន់ធ្ងរពេញមួយជីវិត ដែលចាំបាច់ត្រូវគ្រប់គ្រង និងថែទាំយ៉ាងប្រុងប្រយ័ត្ន។

ជំងឺទឹកនោមផ្អែមប្រភេទ 1 គឺជាស្ថានភាពសុខភាពមួយក្នុងចំណោមបញ្ហាសុខភាពរយៈពេលវែង ដែលកើតឡើងលើកុមារគ្រប់អាយុចូលរៀន ព្រោះជាធម្មតា ជំងឺនេះ ត្រូវបានធ្វើរោគវិនិច្ឆ័យលើកុមារ ក្មេងជំទង់ និងមនុស្សវ័យក្មេង យ៉ាងណាមិញ ជំងឺទឹកនោមផ្អែមប្រភេទ 1 ក៏អាចកើតឡើងលើមនុស្សគ្រប់វ័យ។

គួរតែមានការកែតម្រូវមួយសម្រាប់ប៉ាម៉ាក់ និងលោកគ្រូអ្នកគ្រូភាគច្រើន ហើយជាពិសេសសម្រាប់កុមារដែលមានជំងឺទឹកនោមផ្អែមប្រភេទ 1 ដែលទើបតែចាប់ផ្តើមចូលរៀន។ ប៉ុន្តែ តើកូនអាចចូលរៀននៅក្នុងសាលាដោយរលូនដែរទេ?

ការបំពេញការងារជាក្រុមបានល្អក្នុងចំណោមលោកគ្រូអ្នកគ្រូ ប៉ាម៉ាក់ ក្រុមថែទាំសុខភាព មិត្តរួមថ្នាក់ និងអ្នកដែលមានជំងឺទឹកនោមផ្អែម អាចនាំឲ្យមានការផ្លាស់ប្តូរយ៉ាងខ្លាំង ចំពោះរបៀបគ្រប់គ្រងជំងឺទឹកនោមផ្អែម។

២. ជំងឺ​ទឹកនោម​ផ្អែម​ប្រភេទ​ 1 និង​ការ​រៀនសូត្រនៅ​សាលា៖ តើមានស្ថានភាពយ៉ាងម៉េចដែរសម្រាប់សិស្ស?

សម្រាប់កុមារ ការកើតជំងឺទឹកនោមផ្អែមប្រភេទ 1 អាចមានន័យថា ពួកគេនឹងត្រូវចាក់អាំងស៊ុយលីន ពិនិត្យកម្រិតជាតិស្ករក្នុងឈាម ញ៉ាំអាហារសម្រន់ ផឹកទឹកឱ្យបានច្រើន និងហាត់ប្រាណឱ្យបានទៀងទាត់។

ក្មេងភាគច្រើនប្រហែលជាខ្លាចម្ជុល ហើយប្រហែលជាមិនយល់ពីមូលហេតុដែលមិត្តរួមថ្នាក់របស់ពួកគេដែលមានជំងឺទឹកនោមផ្អែមប្រភេទ 1 ត្រូវចាក់អាំងស៊ុយលីន ឬជួសឈាមដើម្បីពិនិត្យកម្រិតជាតិស្ករក្នុងឈាមឡើយ។

ដោយ​សារ​ពួកគេ​មិន​ដឹង​ថា​តើ​ជំងឺ​ទឹក​នោម​ផ្អែម​ប្រភេទ​​ 1 ​ជា​អ្វី ក្មេង​ខ្លះ​ប្រហែល​ជា​និយាយពាក្យប្លែកៗ ដែល​អាច​ធ្វើ​ឲ្យ​មិត្ត​របស់​ខ្លួនមានការឈឺ​ចាប់។

ការនិយាយជាមួយមិត្តរួមថ្នាក់អំពីជំងឺទឹកនោមផ្អែមប្រភេទ 1 អាចផ្តល់នូវប្រយោជន៍ និងជួយពួកគេឱ្យយល់ពីស្ថានភាពជំងឺនេះ។

នៅពេលមានការជជែកគ្នាអំពីជំងឺទឹកនោមផ្អែមក្នុងចំណោមមិត្តរួមថ្នាក់ និងកុមារដែលមានជំងឺទឹកនោមផ្អែមប្រភេទ 1 វាអាចមានប្រយោជន៍ក្នុងការដោះស្រាយស្ថានភាពអាសន្ន ដោយសារអ្វីៗអាចកើតឡើងក្នុងពេលត្រឹមមួយថ្ងៃ។ ហើយពីព្រោះតែជំងឺទឹកនោមផ្អែមប្រភេទ 1 និងការរៀនសូត្រនៅសាលាមានទំនាក់ទំនងគ្នា ការធ្វើបែបនេះ អាចជួយសិស្សដែលមានជំងឺទឹកនោមផ្អែមរៀននៅក្នុងសាលាដោយរលូន។

ការផ្សព្វផ្សាយអំពី #ការយល់ដឹងពីជំងឺទឹកនោមផ្អែម អាចជាវិធីដ៏ល្អមួយក្នុងការទទួលបានការគាំទ្រ និងបញ្ឈប់មនុស្សមួយចំនួនពីការគិតខុសឆ្គង។

៣. តើកុមារដែលមានជំងឺទឹកនោមផ្អែមប្រភេទ 1 និងប៉ាម៉ាក់គួរធ្វើដូចម្តេច ដើម្បីផ្សព្វផ្សាយអំពី #ការយល់ដឹងពីជំងឺទឹកនោមផ្អែម?

ដោយសារជំងឺទឹកនោមផ្អែមប្រភេទ១ និងការរៀនសូត្រនៅសាលាមានទំនាក់ទំនងគ្នា លោកគ្រូអ្នកគ្រូភាគច្រើន ច្បាស់ជាចង់ធ្វើឲ្យប្រាកដថា សិស្សកំពុងរៀនសូត្រក្នុងបរិយាកាសប្រកបដោយសុវត្ថិភាព សប្បាយរីករាយ និងជោគជ័យ។

ដើម្បីទទួលបានបរិយាកាសរៀនសូត្របែបនេះ ប៉ាម៉ាក់អាចសុំឱ្យគ្រូពេទ្យ ឬគិលានុបដ្ឋាយិការបស់ពួកគេ បណ្តុះបណ្តាលលោកគ្រូអ្នកគ្រូ និងគិលានុបដ្ឋាយិកាប្រចាំសាលា អំពីរបៀបគ្រប់គ្រងជំងឺទឹកនោមផ្អែមប្រភេទ 1 របស់កូនពួកគេ។

កុមារដែលមានជំងឺទឹកនោមផ្អែមប្រភេទ១ និងប៉ាម៉ាក់​របស់ពួក​គេ ក៏អាចស្នើសុំឱ្យលោកគ្រូអ្នកគ្រូ បង្កើតកន្លែងដែលមានសុវត្ថិភាពក្នុងថ្នាក់រៀន ដូច្នេះពួកគេអាចជៀសវាងពីការមិនស្មើភាព ឬមិនបានចូលរួម ដែលនឹងធ្វើឱ្យពួកគេមានអារម្មណ៍មិនល្អ និងអៀនខ្មាស។

ក្មេងតូចៗប្រហែលជាមិនយល់ច្បាស់អំពីស្ថានភាពនេះ ហើយអាចជឿអ្វីដែលមិនពិត។

ឧទាហរណ៍ កុមារខ្លះអាចចាត់ទុកជំងឺទឹកនោមផ្អែមប្រភេទ 1 ជាជំងឺដែលអាចឆ្លង ស្របពេលដែលអ្នកផ្សេងទៀត គិតថាម្ជុលអាំងស៊ុយលីន គឺជាម្ជុលសម្រាប់ចាក់ញៀនថ្នាំ។

វាមានសារៈសំខាន់ណាស់ ដែលកុមារមានជំងឺទឹកនោមផ្អែមតាំងពីវ័យក្មេង ចេះឲ្យតម្លៃខ្លួនឯង និងព្យាយាមមិនគិតពីមតិអវិជ្ជខ្លាំងពេក ព្រោះមិនមែនគ្រប់គ្នាសុទ្ធតែដឹងច្រើនអំពីជំងឺទឹកនោមផ្អែមប្រភេទ 1 នោះទេ។

៤. តើកុមារដែលមានជំងឺទឹកនោមផ្អែមប្រភេទ 1 និងប៉ាម៉ាក់របស់ពួកគេ អាចសាកសួរអ្វីខ្លះទៅកាន់ក្រុមថែទាំសុខភាព និងអ្នកគ្រប់គ្រងសាលារបស់ពួកគេ?

ប៉ាម៉ាក់ និងកុមារដែលមានជំងឺទឹកនោមផ្អែមប្រភេទ 1 អាចសាកសួរគ្រូពេទ្យ និងលោកគ្រូអ្នកគ្រូរបស់ពួកគេ អំពីផែនការផ្ទាល់ខ្លួនក្នុងអំឡុងពេលសិក្សា ដើម្បីជាជំនួយសម្រាប់ជំងឺទឹកនោមផ្អែមប្រភេទ 1 និងការរៀនសូត្រនៅសាលា។

ផែនការនេះ ត្រូវមានការណែនាំច្បាស់លាស់សម្រាប់ការពិនិត្យជាតិស្ករក្នុងឈាម ការចាក់អាំងស៊ុយលីន ម៉ោងអាហារ ក៏ដូចជាអាហារសម្រន់។

ការពិភាក្សាអំពីការគ្រប់គ្រងជំងឺទឹកនោមផ្អែមប្រភេទ 1 មានសារៈសំខាន់ណាស់ មុនពេលចូលរួមក្នុងការអប់រំកាយ ដំណើរកម្សាន្តទៅកាន់តំបន់ផ្សេងៗ ឬសកម្មភាពរីករាយស្រដៀងគ្នាផ្សេងទៀត។

ការជជែកគ្នារវាងប៉ាម៉ាក់ ជាមួយលោកគ្រូអ្នកគ្រូរបស់កូន គិលានុបដ្ឋាយិកាប្រចាំសាលា និងក្រុមថែទាំសុខភាព ដោយបើកចំហ និងទៀងទាត់ មានសារៈសំខាន់ណាស់ ។

គ្រូពេទ្យក៏អាចជួយកុមារដែលមានជំងឺទឹកនោមផ្អែមក្នុងវ័យក្មេង ក្នុងការដោះស្រាយបញ្ហាផ្សេងៗ ដោយបញ្ចូលពួកគេនៅក្នុងក្រុមគាំទ្រ និងបង្វឹកពួកគេ។

ការចូលរួមក្នុងក្រុមគាំទ្រជំងឺទឹកនោមផ្អែម និងជំរុំ អាចលើកទឹកចិត្តអ្នកជំងឺទឹកនោមផ្អែម ឱ្យរៀនសូត្រពីគ្នាទៅវិញទៅមក បង្កើតមិត្តភាពយូរអង្វែង និងមានទំនួលខុសត្រូវចំពោះស្ថានភាពសុខភាពរដោយខ្លួនឯង។

៥. ការសិក្សាដោយរលូននៅសាលា៖ ជំងឺទឹកនោមផ្អែមប្រភេទ 1 និងការរៀនសូត្រនៅសាលា

ពិត​ណាស់! ដោយមានការគាំទ្រត្រឹមត្រូវ និងយុទ្ធសាស្ត្រគ្រប់គ្រងជំងឺទឹកនោមផ្អែម កុមារដែលមានជំងឺទឹកនោមផ្អែមប្រភេទ 1 អាចមានភាពរីកចម្រើនក្នុងការសិក្សា និងដឹកនាំជីវិតប្រកដដោយប្រសិទ្ធភាព។

មានសិស្សដែលមានជំងឺទឹកនោមផ្អែមជាច្រើននាក់ ទទួលបានចំណាត់ថ្នាក់ល្អៗនៅក្នុងការសិក្សា ស្របពេលដែលកំពុងគ្រប់គ្រងជំងឺទឹកនោមផ្អែមរបស់ខ្លួន។

កុមារដែលមានជំងឺទឹកនោមផ្អែមប្រភេទ 1 ដឹងច្បាស់ពីអ្វីដែលកំពុងកើតឡើងនៅក្នុងខ្លួនរបស់ពួកគេ។ ការទុកឱ្យពួកគេមានទំនួលខុសត្រូវដោយខ្លួនឯង​ និងផ្តល់ជំនួយនៅពេលចាំបាច់ គឺ​ជារឿងល្អបំផុត។

សរុបមក ការធ្វើការងារជាក្រុម និងអាកប្បកិរិយាវិជ្ជមាន គឺជាកត្តាសំខាន់ក្នុងការទទួលបានភាពជោគជ័យនៅក្នុងសាលា។

លោកគ្រូអ្នកគ្រូក៏អាចផ្តល់យោបល់ដ៏មានប្រយោជន៍ផ្សេងទៀត ដូចជា ការអនុញ្ញាតច្បាប់សម្រាប់ការទៅជួបគ្រូពេទ្យ និងចូលបន្ទប់ទឹក។

ដោយសារជំងឺទឹកនោមផ្អែមប្រភេទ 1 មានទំនាក់ទំនងនឹងការរៀនសូត្រនៅសាលា អ៊ីចឹងហើយ ការរៀបចំផែនការថែទាំផ្ទាល់ខ្លួន និងបរិយាកាសគាំទ្រ អាចជួយឲ្យសិស្សដែលមានជំងឺទឹកនោមផ្អែមប្រភេទ 1 ធ្វើបានល្អ មិនត្រឹមតែការសិក្សាប៉ុណ្ណោះទេ ប៉ុន្តែថែមទាំងសង្គម រាងកាយ និងផ្លូវចិត្តផងដែរ។

៦. តោះធ្វើវាឲ្យបានល្អបំផុត!

ការរស់នៅជាមួយនឹងជំងឺទឹកនោមផ្អែមប្រភេទ 1 គឺជារឿងដ៏លំបាក ហើយអាចប៉ះពាល់ដល់អារម្មណ៍ និងសុខភាពផ្លូវចិត្តរបស់អ្នកជំងឺផងដែរ។

ប៉ុន្តែ​ការ​គ្រប់គ្រង​ជំងឺ​ទឹក​នោម​ផ្អែម​ប្រភេទ 1 បានល្អ នឹងធ្វើ​ឱ្យ​ការ​សិក្សា​ពោរពេញដោយភាពរីករាយ ព្រោះ​អ្នកបាន​ត្រៀម​ខ្លួន​ជា​ស្រេច​សម្រាប់​អ្វី​មួយ។

កុមារដែលមានជំងឺទឹកនោមផ្អែមប្រភេទ1 អាចមានអារម្មណ៍ល្អ ក្នុងការចូលរួមព្រឹត្តិការណ៍សាលា និងបង្កើតបណ្តាញគាំទ្រដ៏រឹងមាំ ជាពិសេស ប្រសិនបើពួកគេជួយអ្នកដទៃឱ្យយល់ពីស្ថានភាពសុខភាពរបស់ពួកគេ។

ជំងឺទឹកនោមផ្អែមប្រភេទ1 មិនអាចបញ្ឈប់សិស្សណាម្នាក់ កុំឲ្យបញ្ចេញសក្តានុពលពេញលេញរបស់ពួកគេនោះទេ។

ចំណុចល្អមួយ គឺនៅពេលដែលជំងឺទឹកនោមផ្អែមប្រភេទ 1 ក្លាយជាផ្នែកនៃដំណើររបស់សិស្សឆ្ពោះទៅរកការរីកចម្រើនលើគ្រប់វិស័យ។